ఇటు శ్రావణ మాసం పూజల హడావిడి ఇంట్లో, మరి రజియాకేమో రంజాన్ హడావిడి. రజియ లేనిదే ఆమ్మవాళ్ళింట్లో ఒక్క పనీ తెవలదు. లేచిన దగ్గర నుంచీ రజియ బేగం ఎప్పుడొస్తుందని గుమ్మంలో కూర్చోవడం అలవాటాయె! పెదనాన్న వాకిట్లో నిలబడి వేగిరముగనేతెంచెను బేగం అంటూ లోపలికి వస్తూ, దీన్నే సమస్యగా తీసుకుని పద్యం చెప్పమనగా. ఈ మూడు పద్యాలు గాట్టిగా చెప్పేశా, నా పుస్తకంలో రాశేశా, ఇప్పుడు బ్లాగేస్తున్నా. కంద పద్యానికి చాలా వరకూ దగ్గరగా ఉంటాయి ఈ ఆశువులు. చదవల్సిందే మరి...అబ్బా ! చదవండి...హరిననుసరించ గోరుతు
భువిజేరె లచ్చి నాంచారను రూపము లో
శీఘ్రాన పతిని జేరగ
వేగిరమునతో వచ్చెను బేగమచటకున్ (తిరుమలకు)
జాబిలి జూడగ జామున
షాజహాను జేరె జమున సతిన్వీడి! పతి తా
రకను వలచునని తలపున
వేగిరమునతో వచ్చెను బేగమచటకున్
చతురోపాయము జే, రో
షనార పతి ప్రాణములు రక్షింపుటకు కట్ట
గ రక్ష అరి కరమునకున్
వేగిరమునతో వచ్చెను బేగమచటకున్
కామెంట్‌లు లేవు:
కామెంట్‌ను పోస్ట్ చేయండి